Husnes musikklag presenterer «Japan – eit eventyr med Momotaro, ferskenguten».

 

Eit musikalsk show og drama for heile familien med Husnes Musikklag, Husnes karateklubb, Husnes blandakor, Røysterett for alle,

Kammerskoret, Hjørdis Østerbø, Brynjulf Line, Maria Malmsten, Ingvild Toskedal , Yuko Shuto, skodespelarar og dansarar frå Kvinnherad kulturskule.

 

Gjesteartist direkte frå Japan: Fugaku Watanabe

 

Regi og manus: Øystein Kloster / Design: Ingeborg Kvamme / Lyd: Torbjørn Støre / Lys: Oddbjørn Kloster
Kulturskule teaterlærar: Maria Malmsten / Danseansvarleg: Koshi Sabuneti / Karateklubb instruktør Rune Hanssen

Produsent og konsept: Clive Anderson / Arrangør: Husnes Musikklag

 

Tid og stad: Laurdag 22. mars kl 16:30
Billett: Vaksne kr. 200 / Born kr. 50

 

Oppsetninga spinn rundt eit tradisjonelt japansk eventyr, «Momotaro»  ( Ferskenguten ), og involverer element av japansk kultur, både moderne og tradisjonell. Deltakarane vert i ulike aldersgrupper og oppsetjinga vil som tidlegare involvere teater, song, dans og musikk frå forskjellige lag og organisasjonar i kommunen. Musikken er frå bl.a Studio Ghibli- filmar, japanske videospel og vakkert arrangert japansk folkemusikk. Karateklubben blir også med!  Dette blir definitivt eit show for heile familien!  Dei fleste deltakarane er amatørar, men nokre er profesjonelle, ikkje minst den profesjonelle regissøren Øystein Kloster, scenograf Ingeborg Kvamme og den japanske pianisten Yuko Shuto, alle frå, eller busette i, Kvinnherad. Freya Busby frå Den Norske Opera har laga nokre masker til framsyninga. Produsent for det heile er Clive Anderson, musikklaget sin dirigent.

Kvelden vil kulminere med eit innslag frå den anerkjente japanske kalligrafen Fugaku Watanabe som reiser frå Tokyo til Husnes spesielt for å delta. Han har eit live show, akkompagnert av musikk, der han målar Kanji-karakterar på scena som og vert projisert opp på ein skjerm bak han.  Makan har du aldri sett i Kvinnherad