Midt mellom alt som må ordnast og fiksast før jul, inviterer me til ein lågterskel julekonsert med vår eigen Rune Eikemo i samspel med forfattar og musikar Anders Totland. For mange, mange år sidan spelte dei saman i revybandet på Husnes. I sommar blei dei gjenforent rundt eit gammalt trøorgel i ein hage på Valen. Det gav meirsmak. Som organisten konkluderte etter den spontane hagekonserten: "Dette må me gjere igjen!". Og kva passar vel betre for ein bibliotekmedarbeidar med gullstrupe og ein forfattar som alltid har drøymt om å lage julekonsert, enn å gjera det saman på biblioteket? Me gler oss, og håper så mange som mogleg vil setja av ein god time til å berre finna ro og fred saman med gode vener denne kvelden. Me garanterer god stemning og eit variert repertoar. Knaksje blir det ein fast tradisjon?

PS: Om alt går som planlagt, går det an å få kjøpt seg forfriskningar for vaksne.