TEATER VESTLAND: Are Kalvø toppar VG lista

Om arrangementet

Om popmusikk og meininga med livet

Kan det hende at svara på alle dei store spørsmåla om livet ikkje er å finne i litteraturen, filosofien eller religionen? Kan det hende dei er å finne hos Britney Spears og Freddy Kalas?

Kan det hende at svara er å finne i dei skikkeleg populære songane som omgir oss gjennom heile livet? Are Kalvø trur det. Med utgangspunkt i eit knippe songar som har toppa VG-lista dei siste femti åra, prøver Kalvø i denne framsyninga å forstå vår tid og finne meininga med livet. Såpass må det vere. Toppar VG-lista handlar om liv, død, politikk, religion, kjærleik, vennskap, kriser og menn i altfor små shortsar. Og song og dans.

Are Kalvø toppar VG-lista er ein samproduksjon mellom Det Norske Teatret og Teater Vestland, i samarbeid med Are Kalvø.

KUNSTNARLEG LAG

Av Are Kalvø

Regissør Erik Ulfsby

Scenograf og kostymedesignar Unni Walstad

Lyddesigner Per Willy Horn

Dramaturg Ingrid Weme Nilsen