Festsalen - 18år - servering

Tobias Sten frå Stord er det nye country-stjerneskotet i landet. Han har levd med og i sjangeren så lenge han kan hugse. Og starta sitt eige countryband allereie som 12åring. Sidan har han stått på scena. Han lener seg mot singer/songwriter sida av sjangeren, og hentar inspirasjon frå Zach Bryan, Jason Isbell og Watchhouse.

Med sine personlege tekstar frå oppveksten på bygda og sterke formidlingsevne er Tobias eit friskt pust i norsk musikk. Og gir den nye generasjonen ein stemme på stordamål i countrymusikken.

Han har allereie markert seg som ein artist å følga, og mange meiner det er han som skal løfta sjangeren i åra som kjem.